კვლევა „საერთაშორისო გამჭვირვალობა – საქართველოს“ დაკვეთით 2019 წლის 20 თებერვლიდან 5 მარტის პერიოდში „კავკასიის კვლევითი რესურსების ცენტრის” (CRRC) მიერ მთელი ქვეყნის მასშტაბით ჩატარდა. გამოიკითხა 2087 ადამიანი., კვლევის ცდომილების ზღვარი +- 2.3% პუნქტის ფარგლებშია.
“საერთაშორისო გამჭვირვალობა- საქართველოს” დაკვეთით მომზადებული კვლევის მიხედვით, მოსახლეობის 55% ფიქრობს, რომ ტელეკომპანია “იმედი” მთავრობის ინტერესებს ატარებს.
ამავე კვლევის მიხედვით, გამოკითხულთა 63%-ის აზრით, “რუსთავი 2” ოპოზიციის ინტერესებს ატარებს.
გამოკითხულთა 18% მიიჩნევს, რომ საზოგადოებრივი მაუწყებლის პირველი არხი მთავრობის ინტერესებს გამოხატავს.
კვლევის მიხედვით, მოსახლეობის 31% ფიქრობს, რომ ხელისუფლება “ყოველთვის ერევა” მედიის საქმიანობაში, ხოლო 43%-მა აღნიშნა, რომ ხელისუფლება მედიის საქმიანობაში “ხანდახან ერევა”.