დიღმის მასივში მომხდარი აფეთქების შედეგად, სულ, შვიდი ადამიანია დაშავებული. ინფორმაცია “ნეტგაზეთს” შინაგან საქმეთა სამინისტროდან მიაწოდეს.
უწყების თანახმად, ყველა დაშავებული, რომელთა შორის 7 თვის ბავშვიცაა, საავადმყოფოშია გადაყვანილი. მათ სიცოცხლეს საფრთხე არ ემუქრება.
მომხდართან დაკავშირებით გამოძიება სსკ-ის 240-ე მუხლის მეორე ნაწილით უკვე დაიწყო.
თბილისში, დიღმის მასივში მდებარე საცხოვრებელ კორპუსში, სავარაუდოდ, ბუნებრივი აირის გაჟონვას აფეთქება და ნგრევა მოჰყვა. შემთხვევა დღეს, 7 აპრილს მოხდა.
როგორც “ნეტგაზეთს” საგანგებო დიტუაციების მართვის სამსახურში გამუცხადეს, აფეთქება სადარბაზოს მესამე სართულზე მოხდა, რის შედეგადაც სამი ბინის შიდა და გამყოფი კედლები ჩამოინგრა.
