ქუთაისში მატარებელი სკოლის მოსწავლეებს დაეჯახა.
kutaisipost-ის ინფორმაციით, შემთხვევა გუშინ მოხდა, როცა და-ძმა სკოლიდან სახლში ლიანდაგის გავლით ბრუნდებოდა. ბავშვები საავადმყოფოში გადაიყვანეს. მათი მდგომარეობა სტაბილურია.
როგორც “ნეტგაზეთს” შინაგან საქმეთა სამინისტროში განუცხადეს, ფაქტთან დაკავშირების გამოძიება საქართველოს სისხლის სამართლის კოდექსის 275-ე მუხლის პირველი ნაწილით დაიწყო, რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რომელმაც ჯანმრთელობის ნაკლებად მძიმე ან მძიმე დაზიანება გამოიწვია.
