Tbilisi Open Air-ის ჰედლაინერთა ვინაობა 19 მარტს გახდება ცნობილი

Tbilisi Open Air 19 მარტს, 14:00 საათზე, „ფაბრიკაში“ (Jungle Room) პრესკონფერენციას გამართავს.

ღონისძიებაზე 2019 წლის ფესტივალის ჰედლაინერთა ვინაობა, თარიღებისა და ლოკაციის შესახებ ინფორმაცია გახდება ცნობილი. მონაწილეები თანასწორობისა და მრავალფეროვნების სოციალური კამპანიის ფარგლებში დაგეგმილი აქტივობების შესახებ ისაუბრებენ.

შეგახსენებთ, რომ Tbilisi Open Air კავკასიაში ყველაზე მასშტაბური მუსიკალური ფესტივალია. ის 2009 წელს დაარსდა და ისეთ არტისტებს უმასპინძლა, როგორებიც არიან Deep Purple, Placebo, Archive, DDT, Tom Odell, Tricky, Air, Sevdaliza, Roman Flugel… საერთო ჯამში – ათასამდე მუსიკოსი.

2019 წელს ფესტივალი 10 წლის იუბილეს აღნიშნავს.

 

ნეტგაზეთის მასალების სხვა გამოცემებში გადაბეჭდვის წესი
ავტორი