გორის წისქვილკომბინატ “კარმენის” თანამშრომლების გაფიცვა მეორე დღეა გრძელდება. გაერთიანებული პროფკავშირების ინფორმაციით, 14 მარტს დაწყებული პროცესის თავდაპირველი მოთხოვნა იყო ხელფასების მომატება. 15 მარტს კი აქციის მონაწილეებმა კიდევ ორი მოთხოვნა წამოაყენეს: დირექტორის გადადგომა და გაფიცვის გამო გათავისუფლებული თანამშრომლების სამსახურში დაბრუნება.

პროფკავშირების განცხადებით, წისქვილკომბინატ “კარმენის“ დირექტორმა გაფიცვაში მონაწილეობის გამო გაათავისუფლა 8 ადამიანი, ხოლო 13-ს სასტიკი საყვედური გამოუცხადა.

დასაქმებულების განცხადებით, უკვე შვიდი წელია, რაც ისინი ხელფასის მომატებას ითხოვენ.