გიორგი მუჯარიძის რეკორდი – ქართველი მძლეოსანი ევროპის ჩემპიონია

საქართველოს ეროვნული ნაკრების წევრმა მძლეოსნობაში, გიორგი მუჯარიძემ ევროპის თასზე ისტორიული გამარჯვება მოიპოვა. ინფორმაციას განათლების, მეცნიერების, კულტურისა და სპორტის სამინისტრო ავრცელებს.

სამინისტროს ცნობით, გიორგი მუჯარიძემ სლოვაკეთის ქალაქ შამორინში გამართულ საერთაშორისო ტურნირზე – ევროპის თასზე ტყორცნებში 23-წლამდელთა შორის, საუკეთესო შედეგი 20.27 მეტრი დააფიქსირა, ჩემპიონატის რეკორდი დაამყარა და 15 მონაწილეს შორის პირველი ადგილი დაიკავა.

გიორგი მუჯარიძე პირველი მძლეოსანია, ვინც დამოუკიდებელი საქართველოს სახელით ამ რანგის შეჯიბრებაში ოქროს მედალი მოიპოვა.

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.