თბილისის საქალაქო სასამართლომ “იბერია TV“-ს დააკისრა 18 ჟურნალისტის შრომის ანაზღაურება. ინფორმაციას ახალგაზრდა იურისტთა ასოციაცია ავრცელებს.
საია სასამართლოში აღნიშნული ჟურნალისტების ინტერესებს იცავდა. მათი ინფორმაციით, “იბერია TV“-ს დაევალა, მოსარჩელეებისთვის აენაზღაურებინა 2 თვის შრომის ოდენობის კომპენსაცია, 1 კვირის სახელფასო დავალიანება და მასზე დარიცხული პირგასამტეხლო, თითოეულ ვადაგადაცილებულ დღეზე 0,07%-ის ოდენობით.