შინაგან საქმეთა სამინისტროში აცხადებენ, რომ აღნიშნულ ფაქტთან დაკავშირებით 5 პირია დაკავებული, ხოლო გამოძიება სისხლის სამართლის კოდექსის 239-ე მუხლის მესამე ნახილით მიმდინარეობს, რაც ხულიგნობის მუხლია, რომელიც ცეცხლსასროლი იარაღის ან იარაღად სხვა საგნის გამოყენებითაა ჩადენილი. ბრალის დამტკიცების შემთხვევაში მუხლი 7 წლამდე პატიმრობას ითვალისწინებს.
რესტორნის მენეჯერი ნანა მინდორაშვილი ტელეკომპანია “რუსთავი 2”-თან საუბრისას ამბობს, რომ დაპირისპირებაში შსს-ს თანამშრომლებიც მონაწილეობდნენ, რომლებიც სამოქალაქო ფორმაში იყვნენ გამოწყობილი. შსს-ში მათი თანამშრომლების დაპირისპირებაში მონაწილეობას არ ადასტურებენ.
როგორც საგამოძიებო უწყებაში “ნეტგაზეთს” განუცხადეს, დაჭრილი პირებიდან ოთხი უკვე სახლში დაბრუნდა, ხოლო ერთი საავადმყოფოში რჩება.