ახალი ამბები

წერილის ასლი გამოძიებას მივეცი, ორიგინალი ლონდონშია ექსპერტიზაზე – ხაზარაძე

5 მარტი, 2019 • 1200
წერილის ასლი გამოძიებას მივეცი, ორიგინალი ლონდონშია ექსპერტიზაზე – ხაზარაძე

თიბისის დამფუძნებლის, მამუკა ხაზარაძის დაკითხვა საქალაქო სასამართლოში დასრულდა. ხაზარაძის თქმით, წერილის ასლი მოსამართლესა და პროკურატურას გადასცა, ხოლო ორიგინალი ლონდონში გაგზავნა ექსპერტიზაზე.

“წერილში რა წერია, ეს იყოს პროკურატურის კომპტენცია, რამეთუ პრეკსონფერენციებს კარგად ატარებენ”, – თქვა ხაზარაძემ.

მან პროკურატურის გუშნდელ განცხადებაზეც გააკეთა კომენტარი და თქვა, რომ იხილა “საბჭოთა პროკურატურის მენტალიტეტი”.

თიბისი ბანკის დამფუძნებლის, მამუკა ხაზარაძის თქმით, მუქარის წერილი, რომელიც შს მინისტრის, გიორგი გახარიასგან მიიღო, სასამართლოში მიიტანა.

ჟურნალისტის კითხვაზე, თან აქვს თუ არა წერილი, მამუკა ხაზარაძე პასუხობს, რომ წერილი თან აქვს.

ამ წუთებში თბილისის საქალაქო სასამართლოში მამუკა ხაზარაძის დაკითხვა მიმდინარეობს. დაკითხვის დაწყებამდე მან ჟურნალისტებთან კომენტარი არ გააკეთა და განაცხადა, რომ დაკითხვის დასრულების შემდეგ ისაუბრებს.

დღეს მამუკა ხაზარაძეს თბილისის საქალაქო სასამართლოში გამოკითხეს.

“თიბისი ბანკის” დამფუძნებლის, მამუკა ხაზარაძის თქმით, 2018 წლის საპრეზიდენტო არჩევნების მეორე ტურის წინ შს მინისტრ გიორგი გახარიასგან მიიღო წერილი, სადაც იყო გარკვეული მოთხოვნები, რომლებიც მათ არ შეასრულეს.

“ამ წერილში ეწერა, რომ ისინი ჩვენს რეპუტაციას დაანგრევენ ადგილობრივ და საერთაშორისო ასპარეზზე. ძალიან გამიკვირდა, რომ ეს წერილი დაწერეს. ეს წერილი მე მაქვს. იქ იყო მოთხოვნები, რომლებიც ჩვენ არ შევასრულეთ. ეს წერილი შსს-ს მინისტრისგან იყო მოწერილი. ეს არის მუქარის წერილი, რომელიც ჩვენ არ შევასრულეთ”, – განაცხადა მამუკა ხაზარაძემ.

ამასთან, მამუკა ხაზარაძის თქმით, შს მინისტრის მუქარის წერილზე დაკითხვაზე ისაუბრა, შესაბამისად, პროკურატურას და სასამართლოს წერილზე ინფორმაცია ამ დრომდეც მიღებული ჰქონდათ.

“მე ამ წერილის შესახებ დაკითხვაზე ვთქვი. ამ საკითხზე გამოძიება არ დაწყებულა, არც მოსამართლემ და არც საქმის პროკურორმა კითხვაც კი არ დამისვეს, როცა ვუთხარი, რომ ჩემზე იყო შემოტევა-მუქარა… ეს არის ჩაწერილი და არავინ არათუ დაინტერესდა, არამედ 9 იანვარს პროკურატურამ ჩემზე პირველი საშინელი განცხადება გააკეთა, რამაც ჩვენს ინვესტორებს 90 მლნ ლარი დააკარგვინა. მე ამ წერილზე დაკითხვაზე ვისაუბრე, რატომ არ ასაჯაროებს პროკურატურა ჩემი დაკითხვის ოქმს?!” – ამბობს მამუკა ხაზარაძე.

გახარია უარყოფს მუქარის ფაქტს, ხოლო პროკურატურა იმას, რომ ხაზარაძემ დაკითხვისას გახარიას წერილზე ისაუბრა.

 

მასალების გადაბეჭდვის წესი