ლიეტუვის საგარეო საქმეთა მინისტრი, ლინას ლინკევიჩუსი საქართველოს უსამძიმრებს. დიდ დიღომში მომხდარ აფეთქებას მინისტრი თვითერზე გავრცელებული განცხადებით ეხმიანება.
“მთელი გულით თანავუგრძნობთ ქართველ ხალხს თბილისში მომხდარი გაზის სასიკვდილო აფეთქების გამო. ვუსამძიმრებთ გარდაცვლილთა ახლობლებს, დაშავებულებს კი სწრაფ გამოჯანმრთელებას ვუსურვებთ,” – წერს ლინას ლინკევიჩუსი.
Our profound sympathies go out to the people of #Georgia following deadly gas explosion in Tbilisi. Deepest condolences to the loved ones of the victims, full and speedy recovery to all the injured. @DZalkaliani
— Linas Linkevicius (@LinkeviciusL) January 17, 2019
აფეთქება დიდ დიღომში 16 იანვრის საღამოს მოხდა. შემთხვევის შედეგად დაიღუპა 4 ადამიანი, მათ შორის, ერთი ბავშვი. სხეულის სხვადასხვა სიმძიმის დაზიანება მიიღო 8 პირმა, რომელთაგან 6 ბავშვია. შსს-მ გამოძიება უკვე დაიწყო. ამ დროისთვის კლინიკაში მკურნალობას მხოლოდ ერთი ბავშვი განაგრძნობს, დანარჩენი პაციენტები ექიმებმა სახლში გაწერეს.
დაზარალებულთათვის მუშაობს ცხელი ხაზი: 2 37 45 31
საცხოვრებელი კორპუსში ბუნებრივი აირის აფეთქებას ნგრევა მოჰყვა. როგორც ადგილობრივები ამბობენ, აფეთქებამდე, დღის განმავლობაში, იგრძნობოდა გაზის სუნი, თუმცა “ყაზტრანსგაზის” წარმომადგენლებმა ხარვეზი ვერ აღმოაჩინეს.
17 იანვარი საქართველოში გლოვის დღედ გამოცხადდა
