ტერიტორიაზე დაფიქსირებულია ამავე პერიოდის სამარხი, რომლის გაწმენდითი სამუშაოები ექსპედიციის დასრულებამდე განხორციელდება.
ჭობარეთში კვლევითი-არქეოლოგიური სამუშაოები ეროვნული მუზეუმისა და მელბურნის უნივერსიტეტის საერთაშორისო ექსპედიციის მიერ, არქელოგების კახი კახიანისა და ანტონიო საგონას ხელმძღვანელობით ხორციელდება.
არქეოლოგემა ამ დროისთვის უკვე გამოავლინეს მტკვარ არაქსის კულტურისთვის დამახასიათებელი დიდი რაოდენობის, მრავალფეროვანი თიხის ჭურჭელი, ქვის უძველესი ხელსაფქვავები და ლითონის ჩამოსასხმელი თიხის ყალიბი.
ხვალ ჭობარეთში გაემგზავრებიან კულტურული მემკვიდრეობის დაცვის ეროვნული სააგენტოს არქეოლოგიური სამსახურის წარმომადგენლები, რომლებიც ადგილზე შეაფასებენ საერთაშორისო არქეოლოგირი ექსპედიციის მონაპოვარს.
სოფელი ჭობარეთი სამცხე-ჯავახეთში, ასპინძის მუნიციპალიტეტში მდებარეობს.
ადრე ბრინჯაოს ხანის ნასახლარი 2009 წელს, გაზსადენის გაყვანის დროს აღმოჩნდა, ქრისტეშობამდე 3500-3000 წლის წინანდელი ნასახლარის არქეოლოგიური კვლევა 2012 წელს საქართველოს ეროვნულმა მუზეუმმა და მელბურნის უნივერსიტეტმა ერთობლივად დაიწყეს.
არქეოლოგი კახა კახიანის შეფასებით, აღმოჩენილია ქვის საბეჭდავი, ის, სავარაუდოდ, ხუთი ათასი წლის წინ მესოპოტამიიდან, ქალაქ ურუქიდან უნდა იყოს შემოტანილი.