გრიპის ვირუსის მომატებული შემთხვევების გამო აფთიაქი GPC პრევენციის მიზნით კომპანიის ნაშთზე არსებული გრიპის ვაქცინების სრულ რაოდენობას – 1500 ვაქცინას უსასყიდლოდ გამოყოფს მოსახლეობის ვაქცინაციისთვის.

როგორც აფთიაქი აცხადებს, 11 იანვრიდან გრიპის უფასო ვაქცინაცია შესაძლებელი იქნება ექსპრეს კლინიკებში შემდეგ 3 მისამართზე და გაგრძელდება მარაგის სრულ ამოწურვამდე:

• პეკინის #23/25 (10:00 – 20:00 საათებში);
• ვაჟა ფშაველას #71 (10:00 – 20:00 საათებში);
• ჭავჭავაძის #24 (10:00 – 20:00 საათებში).

გრიპის ვირუსით ბოლო რამდენიმე კვირის განმავლობაში საქართველოში 13 ადამიანი დაიღუპა. ჯანდაცვის მინისტრის ინფორმაციით, გარდაცვალება გამოწვეული იყო ზოგ შემთხვევაში დაგვიანებული, ზოგ შემთხვევაში კი, თანმდევი მძიმე დაავადებით.