ახალი ამბები

ჩაკვეტაძე 2018 წლის საქართველოს საუკეთესო ფეხბურთელად დაასახელეს

28 დეკემბერი, 2018 • 1956
ჩაკვეტაძე 2018 წლის საქართველოს საუკეთესო ფეხბურთელად დაასახელეს

საქართველოს ფეხბურთის ფედერაციამ წლის საუკეთესო ფეხბურთელად გიორგი ჩაკვეტაძე დაასახელა. შესაბამისი ჯილდო ფეხბურთელს დაჯილდოების ცერემონიაზე ფედერაციის პრეზიდენტმა, ლევან კობიაშვილმა გადასცა.

საქართველოს საფეხბურთო ნაკრების შემტევმა ნახევარმცველმა გიორგი ჩაკვეტაძემ ახლად დაფუძნებული ტურნირის – ერთა ლიგის ისტორიაში პირველი გოლი გაიტანა. შესაბამისი მატჩი 6 სექტემბერს საქართველოსა და ყაზახეთს შორის შედგა და საქართველოს გამარჯვებით, 2:0 დასრულდა.

მედიაში არაერთგზის გავრცელდა ინფორმაცია, რომ გიორგი ჩაკვეტაძით დაინტერესებული იყვნენ დიდი საფეხბურთო კლუბები, მათ შორის “ტოტენჰემი” და “ბარსელონა” .

ფეხბურთელის დახასიათებისას, საქართველოს ნაკრების მწვრთნელმა, ვლადიმერ ვაისმა, აღნიშნა, რომ ჩაკვეტაძე “შესანიშნავი მოთამაშე” და “ნამდვილი ტალანტია”, ამის დამტკიცება კი მას დიდ და ძლიერ კლუბებთან მოუწევს.

მასალების გადაბეჭდვის წესი