ექსპერტიზის ბიურო ვერ ბედავს თქვას, რა მდგომაროებაში ესროლეს მაჩალიკაშვილს – ადვოკატი

თემირლან მაჩალიკაშვილის ოჯახის ადვოკატი, მარიამ კუბლაშვილი აცხადებს, რომ სამხარაულის ექსპერტიზის ბიურომ ვერ გაბედა ეთქვა სიმართლე იმ გარემოების შესახებ, ჰქონდა თუ არა სპეცრაზმელის იარაღიდან მოკლულ თემირლან მაჩალიკაშვილს სროლის დროს თავი წამოწეული.

როგორც ადვოკატმა რუსთავი 2-ს განუცხადა, ექსპერტიზის დასვნასთან დაკავშირებით, მაღალი ალბათობით, მისი მოლოდინი გამართლდა:

სამხარაულის სახელობის ექსპერტიზის ეროვნულმა ბიურომ ვერ გაბედა ეთქვა სიმართლე, ვინაიდან ეს არის უმნიშვნელოვანესი მტკიცებულება – დაადგინოს გარემოება, რომ [სროლის დროს] თემირლანს თავი არ ჰქონდა წამოწეული. განსხვავებული პოზიციები რომ არსებობს, ჩვენ მიერ მოწვეულ ექსპერტებს, მაია ნიკოლეიშვილს და ზაზა ათუნაშვილს, და სამხარაულის ექსპერტებს შორის, ეს უკვე იმის ნიშანია, რომ ექსპერტიზის ბიურომ ვერ გაბედა დაეწერა სიმართლე,” – აცხადებს მარიამ კუბლაშვილი.

დღეს, 26 დეკემბერს, ერთი წელი გავიდა პანკისში ჩატარებული სპეცოპერაციიდან, რომელსაც თემირლან მაჩალიკაშვილის სიცოცხლე ემსხვერპლა. ამასთან დაკავშირებით 15:00 საათზე მაჩალიკაშვილის მხარდამჭერები პარლამენტთან აპირბენ მისვლას, სადაც მაისიდან მოყოლებული მალხაზ მაჩალიკაშვილი და ზაზა სარალიძე პერმანენტულ აქციებს მართავენ.

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.