სალომე ზურაბიშვილს დეპუტატის უფლებამოსილება შეუწყდა

პარლამენტმა 22 დეკემბერს სადეპუტატო უფლებამოსილება შეუწყვიტა არჩეულ პრეზიდენტს სალომე ზურაბიშვილს.

ზურაბიშვილს დეპუტატის უფლებამოსილება იმიტომ შეუწყდა, რომ პრეზიდენტი გახდა.

გადაწყვეტილებას პარლამენტის რიგგარეშე სხდომაზე 93-მა დეპუტატმა დაუჭირა მხარი, წინააღმდეგ ხმა არავის მიუცია. თუმცა 22 დეკემბრის სხდომას ბოიკოტი გამოუცხადა “ერთიანმა ნაციონალურმა მოძრაობამ”.

ზურაბიშვილი 2016 წლის საპარლამენტო არჩევნებში მთაწმინდის მაჟორიტარულ ოლქში დამოუკიდებლად იყრიდა კენჭს. “ქართულ ოცნებას” ამ ოლქში კანდიდატური არ წარუდგენია.

ზურაბიშვილის დეპუტატის უფლებამოსილების შეწყვეტის გამო მთაწმინდის ოლქში შუალედური არჩევნები მაისში ჩატარდება. ჯერჯერობით “ქართულ ოცნებას” კანდიდატი არ დაუსახელებია.

მთაწმინდაზე შუალედური მაჟორიტარული არჩევნები მაისში უნდა გაიმართოს

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com