სასამართლომ არ დააკამყოფილა ოპოზიციის სარჩელი ზურაბიშვილის წინააღმდეგ

თბილისის საქალაქო სასამართლომ, 11 დეკემბრის გადაწყვეტილებით, არ დააკმაყოფილა ოპოზიციის სარჩელი არჩეული პრეზიდენტის, სალომე ზურაბიშვილის წინააღმდეგ.

მოსამართლე ნინო ბუაჩიძემ გადაწყვეტილება 11 დეკემბრის საღამოს გამოაცხადა.

ნეტგაზეთს ინფორმაცია თბილისის საქალაქო სასამართლოში დაუდასტურეს.

გაერთიანებულმა ოპოზიციამ (“ძალა ერთობაშია”) 10 დეკემბერს განაცხადა, რომ სასამართლოს ზურაბიშვილის რეგისტრაციიდან მოხსნის მოთხოვნით მიმართავდნენ.

სასამართლოში მიმართვის საფუძვლად ოპოზიციის ერთ-ერთმა ლიდერმა გიორგი ვაშაძემ საარჩევნო კოდექსის 47-ე მუხლი დაასახელა — ამომრჩევლის მოსყიდვა.

ვაშაძემ განაცხადა, რომ ისინი “მოსყიდვის უზარმაზარ, ზღვა მასალას” წარადგენდენ სასამართლოში, მათ შორის 600 000 პირისთვის ვალების ჩამოწერის “თაღლითურ დაპირებას”, ასევე ხახვის, კარტოფილის, მეორადი ტანსაცმლის უფასოდ დარიგების ვიდეოებს.

ვაშაძემ განაცხადა, რომ პროკურატურასაც მიმართავდა შესაძლო მოსყიდვის ფაქტებზე გამოძიების მოთხოვნით.

როგორ მოახერხა “ქართულმა ოცნებამ” II ტურში 530 000 ხმით მეტის მიღება

ნეტგაზეთის მასალების სხვა გამოცემებში გადაბეჭდვის წესი


ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com