საქართველოს მე-5 პრეზიდენტის ინაუგურაცია თელავში, ერეკლე მე-2-ის სასახლეში 16 დეკემბერს გაიმართება.
საქართველოს არჩეული პრეზიდენტის, სალომე ზურაბიშვილის თქმით, გაერთიანებული ოპოზიციის ყოფილ საპრეზიდენტო კანდიდატს ინაუგურაციაზე იმ შემთხვევაში მიიწვევს, თუ აღნიშნულ ღონისძიებამდე ვაშაძე მას პრეზიდენტად აღიარებს.
თავდაპირველად ზურაბიშვილმა ჟურნალისტებს უთხრა, რომ ამ საკითხზე უნდა ეფიქრა, თუმცა კითხვის გამეორების შემდეგ უპასუხა:
“თუკი ინაუგურაციამდე აღიარებული ვიქნები, როგორც პრეზიდენტი, იქნება დაპატიჟებული”.
