პარლამენტის სამძიმარი რურუას გარდაცვალების გამო

პარლამენტმა ნიკა რურუას გარდაცვალების გამო მის ოჯახსა და ახლობლებს სამძიმარი გამოუცხადა. შესაბამისი განცხადება პარლამენტის სახელით ვიცესპიკერმა ზვიად ძიძიგურმა გააკეთა, რომელიც დღევანდელ სხდომას უძღვება.

“კოლეგებო, მინდა გაუწყოთ, რომ გარდაიცვალა პარლამენტის მე-6 და მე-7 მოწვევის წევრი ნიკოლოზ რურუა და პარლამენტის სახელით მინდა გამოვუცხადო სამძიმარი მის ოჯახის წევრებსა და ახლობლებს”, – განაცხადა ძიძიგურმა.

ნიკა რურუა 4 ოქტომბერს, შსს-ს პირველადი ინფორმაციით, ოჯახის წევრების თანდასწრებით, სავარაუდოდ, გულის შეტევით გარდაიცვალა.

რურუა 50 წლის იყო.

გარდა დეპუტატობისა, 2009-2012 წლებში რურუა კულტურის მინისტრის თანამდებობასაც იკავებდა.

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com