საქართველოს ყოფილმა პრემიერ-მინისტრმა, გიორგი კვირიკაშვილმა ოპოზიციონერი პოლიტიკოსის, ნიკა რურუას გარდაცვალების გამო მიუსამძიმრა მის ოჯახს.

კვირიკაშვილი 5 დეკემბრის საღამოს მივიდა რურუების სახლში სამძიმარზე და მედიასთან ასეთი კომენტარი გააკეთა:

“მე ნიკოლოზს ვიცნობ არაერთი ათეული წელია, ახალგაზრდობიდან. ძალიან გული დამწყდა მისი წასვლის გამო. ჩვენი ცხოვრების გზები გაიყარა, პოლიტიკურადაც სხვადასხვა გუნდში აღმოვჩნდით, მაგრამ როდესაც ადამიანი მიდის, პოლიტიკური აზრთა სხვადასხვაობა აქტუალობას კარგავს. ამიტომ მინდა მთელი გულით მივუსამძიმრო მის ოჯახს, ახლობლებს და მეგობრებს. ძალიან გულდასაწყვეტია, რომ ამ ასაკში წავიდა ამქვეყნიდან”, – თქვა კვირიკაშვილმა.

ნიკა რურუა 4 ოქტომბერს, შსს-ის პირველადი ინფორმაციით, ოჯახის წევრების თანდასწრებით, სავარაუდოდ, გულის შეტევით გარდაიცვალა.

ვიზიარებ ოჯახის მწუხარებას – ზურაბიშვილი რურუას გარდაცვალებას ეხმაურება