საავტომობილო გზების დეპარტამენტის განცხადებით, გაწმენდითი სამუშოები უკვე სრულდება და მზადდება მოძრაობის გადართვისთვის აუცილებელი უსაფრთხოების ღონისძიებები.
დეპარყამენტის ცნობით, თბილისი-სენაკი-ლესელიძის საავტომობილო გზის 147-ე კმ-ზე, ხარაგაულის მუნიციპალიტეტის სოფელ ხევთან, რიკოთის გვირაბის დასავლეთით გზა 12 ივნისს დაიმეწყრა. საქართველოს რეგიონული განვითარებისა და ინფრასტრუქტურის სამინისტრო, საქართველოს საავტომობილო გზების დეპარტამენტი, გაწმენდით სამუშაოებს 24-საათიან რეჟიმში ახორციელებდნენ.
სტიქიის გამო მგზავრებს ორი დღის განმავლობაში მოძრაობა შემოვლითი – გომი-საჩხერე-ჭიათურა-ზესტაფონის გზით უწევთ გადაადგილება.
აღდგენითი სამუშაოების პარალელურად, შინაგან საქმეთა, გარემოსა და ბუნებრივი რესურსების დაცვის სამინისტროების წარმომადგენლებსა და გეოლოგებთან ერთად, ადგილზე ნიადაგის გამოკვლევა და რისკების შესწავლა მიმდინარეობდა, აცხადებს საავტომობილო გზების დეპარტამენტი.