ერთიანი ნაციონალური მოძრაობა ავრცელებს ვიდეოს, სადაც ჩანს, რომ აბაშაში საკრებულოს მაჟორიტარი დეპუტატი ლეონტი ნადარეიშვილი ერთ-ერთ ამომრჩეველს ხმის მისაცემ კაბინაში შეჰყვა.

ვიდეოში დეპუტატი ამბობს, რომ უბანზე როგორც ამომრჩეველი, ისე იმყოფება და სხვა ამომრჩეველს ეხმარება.

ნეტგაზეთი ლეონტი ნადარეიშვილს დაუკავშირდა, მან მოგვიანებით დარეკვა გვთხოვა, შემდეგ კი აღარ გვიპასუხა.