რუსული “Novaya Gazeta” წერს, რომ ჯერჯერობით მუზეუმი არ აკონკრეტებს, თუ რისთვის მიიწვია რეჟისორი.

ეს არ არის პირველი შემთხვევა, როდესაც ჟან-ლუკ გოდარი სენცოვის დაკავებას აპროტესტებს. მანამდე მან და კიდევ 100-მდე ფრანგმა ხელოვანმა და კულტურის მინისტრმა მოუწოდა რუსეთს, რომ სენცოვი გაეთავისუფლებინა.

ჟან-ლუკ გოდარი ფრანგული ახალი ტალღის ერთ-ერთი პიონერი და გამორჩეული ფიგურაა. მის ფილმოგრაფიაში შედის ისეთი ფილმები, როგორიცაა “უკანასკნელ ამოსუნთქვამდე” ; “ზიზღი” და “შეშლილი პიერო”.

რაც შეეხება ოლეგ სენცოვს, 2015 წელს რუსეთის სასამართლომ მას 20-წლიანი პატიმრობა შეუფარდა. სენცოვს ბრალად ტერორიზმი ედება. სენცოვი მიიჩნევს, რომ მის წინააღმდეგ წარმოებული საქმე პოლიტიკურად მოტივირებულია, ხოლო ნივთმტკიცებულება  ფალსიფიცირებულია გამოძიების მიერ.

“ოკუპანტის სასამართლო სამართლიანი ვერ იქნება”, – თქვა სენცოვმა პროცესზე.

როგორც ოლეგ სენცოვი ამბობს, დაკავების შემდეგ რუსეთის ფედერალური სამსახურის წარმომადგენლები აწამებდნენ და სცემდნენ იმ იმედით, რომ მისგან აღიარებას მოიპოვებდნენ.

ვრცლად სენცოვის საქმეზე :

შიმშილობის 65-ე დღე – შესაძლებელია თუ არა რუსეთის პატიმარ სენცოვის გადარჩენა