სომხეთში 4 ჯარისკაცი დაიღუპა სატვირთოს ამობრუნების შედეგად

სომხეთის სამხრეთ-აღმოსავლეთ ქალაქ გორისში სამხედრო სატვირთო მანქანის ამობრუნების შედეგად ოთხი ჯარისკაცი დაიღუპა და რამდენიმე დაშავდა.

“რადიო თავისუფლების” სომხურენოვანი სამსახურის თანახმად, შემთხვევა 7 ნოემბერს, ნაშუადღევს მოხდა.

მათივე ცნობით, სატვირთოში მსხდომი 27 ადამიანიდან 17 დაშავებული საავადმყოფოშია გადაყვანილი.

მანქანას სამხედრო პერსონალი გადაჰყავდა.

ჯერჯერობით არ გახმაურებულა შემთხვევის გამომწვევი მიზეზი.

დაღუპულთაგან ოთხივე 20 წლის იყო.

 

ნეტგაზეთის მასალების სხვა გამოცემებში გადაბეჭდვის წესი


ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com