გრიგოლ ვაშაძე საპატრიარქოში მივიდა გიორგი ვაშაძესა და ნიკა რურუასთან ერთად

საპრეზიდენტო კანდიდატი გრიგოლ ვაშაძე 3 ნოემბერს, 13:00 საათისათვის საპატრიარქოში მივიდა.

მასთან ერთად იმყოფება მისი შტაბის ხელმძღვანელი, გიორგი ვაშაძე, აგრეთვე, ნიკა რურუა, “ერთიანი ნაციონალური მოძრაობის” წევრი.

ოპოზიციური ბლოკის წარმომადგენლები ილია II-ს ხვდებიან.

როგორც გიორგი ვაშაძემ საპატრიარქოში შესვლის წინ უთხრა ჟურნალისტებს, საუბარი შეეხება “ქვეყანაში არსებულ სიტუაციას” — “მშვიდობიანი მეორე ტური გვინდა, მისი მოსაზრებებიც გვინდა მოვისმინოთ”.

გრიგოლ ვაშაძე განცხადებას გამოსვლის შემდეგ გააკეთებს.

2 ნოემბერს საპატრიაქროში შეხვედრა ჰქონდათ პარლამენტის თავმჯდომარე ირაკლი კობახიძესა და შინაგან საქმეთა მინისტრ გიორგი გახარიას. შეხვედრის შემდეგ მათ განაცხადეს, რომ კანაფის კულტივაციის შესახებ კანონპროექტს მთავრობა პარლამენტიდან გაიწვევს.