ლილოში 4 სატრანსპორტო საშუალების შეჯახებისას 8 ადამიანი დაშავდა

ლილოში ავარია მოხდა, რომელშიც ოთხი სატრანსპორტო საშუალება, მათ შორის, ორი მიკროავტობუსი ფიგურირებდა.

ავტოავარიის შედეგად ერთი მიკროავტობუსი ამობრუნდა. შემთხვევის შედეგად 8 ადამიანი მსუბუქად დაშავდა.

როგორც “ნეტგაზეთს” შინაგან  საქმეთა სამინისტროში განუცხადეს, გამოძიება სისხლის სამართლის კოდექსის 276-ე მუხლის 1-ლი ნაწილით დაიწყო, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია. დანაშაული ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე.

 

ნეტგაზეთის მასალების სხვა გამოცემებში გადაბეჭდვის წესი


ავტორი