“დღეს რომ გამორთო რუსთავი 2, აღმავლობისა და აღმშენებლობის მეტს ვერაფერს ნახავთ”, — განაცხადა ივანიშვილმა “იმედის” ჟურნალისტის, ირაკლი ჩიხლაძის კითხვაზე, “რა კეთდება ქვეყანაში იმისათვის, რომ ეს ნეგატივი ნაკლები იყოს”.
ივანიშვილი მთელი ინტერვიუს განმავლობაში აკრიტიკებდა ტელეკომპანია რუსთავი 2-ს, უწოდა მას “დახურული ტელევიზია”, რომელიც “განსხვავებულ აზრს არ უჩვენებს მაყურებელს” და ა.შ…
“ის, რაც გამოდის რუსთავი2-დან, 99% არის სიცრუე”, თქვა მან. ივანიშვილმა ასევე გააკრიტიკა ერთიანი ნაციონალური მოძრაობა და მათი მმართველობის პერიოდი.
“[მათზე] ორჯერ მეტს ვაშენებთ ყველაფერს. რაც აუშენებია ნაციონალურ მოძრაობას, მარტო მე ვაშენებ დღეს იმდენს და საბუთები მაქვს წამოღებული”…
რუსთავი2-ის ჟურნალისტის დამაზუსტებელ კითხვაზე, მაგალითი დაასახელეთო, ივანიშვილმა უპასუხა: “გზები, ხიდები, რაც გინდათ დაასახელეთ”.
ივანიშვილმა 22 ოქტომბერს თვითონ მიიწვია ინტერვიუს მისაცემად სამი ყველაზე რეიტინგული არხის მთავარი პოლიტიკური ტოკშოუების წამყვანები — ინგა გრიგოლია, გიორგი გაბუნია და გიორგი ჩიხლაძე.
მიწვევას დათანხმდა ჩიხლაძე “იმედიდან”, თუმცა გრიგოლიას და გაბუნიას ნაცვლად, ტვ პირველიდან და რუსთავი2-დან დიანა ტრაპაიძე და ეკა კვესიტაძე დაესწრნენ.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
