ჭელიძის 15-მდე ადვოკატიდან 3 სასამართლომ უპატივცემულობისთვის დააჯარიმა

მოსამართლემ ფაშისტური მოძრაობის ლიდერის, გიორგი ჭელიძის 15-მდე ადვოკატიდან 3 სასამართლოს უპატივცემულობის მოტივით დააჯარიმა. ორ მათგანს სასამართლომ 200-ლარიანი ჯარიმა, ხოლო მესამეს 100-ლარიანი ჯარიმა შეუფარდა.

ადვოკატებმა პროტესტის ნიშნად სასამართლო პროცესი დატოვეს, ხოლო მოსამართლემ სხდომა დახურა. პროცესი ჯერ-ჯერობით გაურკვეველი დროით გადაიდო.

ხდომის დაწყებამდე ერთ-ერთმა ადვოკატმა განაცხადა, რომ ჭელიძეს 15-ზე მეტი ადვოკატი დაიცავდა. სასამართლოში გაირკვა, რომ შესაბამისი უფლებამოსილება 12-ს ჰქონდა, მოგვიანებით მათ კიდევ ერთი დაემატა.

გიორგი ჭელიძე პოლიციამ სსკ-ს 236-ე მუხლის საფუძველზე დააკავა, რაც იარაღის უკანონო შეძენა-შენახვა-ტარებას გულისხმობს. აღნიშნული მუხლი 2-დან 5 წლამდე თავისუფლების აღკვეთას ითვალისწინებს. აღკვეთის ღონისძიების სახით მას პატიმრობა აქვს შეფარდებული. ჭელიძე ბრალს არ აღიარებს და თავს უკანონო პატიმრად მიიჩნევს. დღეს 17 ოქტომბერს სწორედ მისი სასამართლო პროცესი გაიმართა.

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.