თბილისში ერთმანეთს რამდენიმე ავტომობილი შეეჯახა

დღეს, 12 ოქტომბერს, თბილისში, მტკვრის მარცხენა სანაპიროზე, ელიავას ბაზრობასთან ერთმანეთს რამდენიმე ავტომობილი შეეჯახა.

ავტოსაგზაო შემთხვევის გამო, მოძრაობა შეფერხებული იყო დიდუბის ხიდებიდან ელიავას ბაზრობის მიმართულებით. ადგილზე იმყოფებოდნენ სამაშველო და სასწრაფო დახმარების ავტომობილები, ასევე, საპატრულო პოლიცია.

შინაგან საქმეთა სამინისტროს ცნობით, ზოლიდან ზოლში მანევრირებისას, ჯერ ორი ავტომობილი შეეჯახა ერთმანეთს, შემდეგ კი იმავე ადგილზე გაჩერებულ ერთ ავტომობილს კიდევ ერთი მანქანა დაეჯახა. შემთხვევის შედეგად, ჯამში, 4 ავტომობილი დაზიანდა.

როგორც შსს-ში აცხადებენ, მსუბუქად დაშავდა მხოლოდ ერთი ადამიანი, რომელიც პროფილაქტიკური შემოწმების მიზნით გადაიყვანეს საავადმყოფოში. დაწყებულია გამოძიება.

ავარია თბილისში. 12 ოქტომბერი, 2018. ფოტო: თაზო კუპრეიშვილი/ნეტგაზეთი

ავარია თბილისში. 12 ოქტომბერი, 2018. ფოტო: თაზო კუპრეიშვილი/ნეტგაზეთი

ავარია თბილისში. 12 ოქტომბერი, 2018. ფოტო: თაზო კუპრეიშვილი/ნეტგაზეთი

ნეტგაზეთის მასალების სხვა გამოცემებში გადაბეჭდვის წესი


ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.