ბრიტანეთი საუდის არაბეთისგან პასუხებს ითხოვს სტამბოლში არაბი ჟურნალისტის “გაუჩინარებაზე”

გაერთიანებული სამეფო აცხადებს, რომ საუდის არაბეთისგან ელოდებიან დაუყოვნებლივ პასუხებს არაბი ჟურნალისტის, ჯამალ ხაშოგის “გაუჩინარებასთან” დაკავშირებით.

ჟურნალისტი ჯამალ ხაშოგი ბოლოს სტაბმოლში მდებარე საუდის არაბეთის საკონსულოში ნახეს 2 ოქტომბერს; იგი Washington Post-ის მესვეტეა და, BBC-ის თანახმად, საუდის არაბეთის სამეფო ოჯახთან დაახლოებელი პირი იყო, თუმცა ბოლო წლებში საუდის არაბეთის პრინც მუჰამედ ბინ სალმანს აკრიტიკებდა.

თურქეთი გამოთქვამს ეჭვს, რომ შესაძლოა იგი საკონსულოში მოკლეს.

საუდის არაბეთი ამ ვერსიას უარყოფს.

სატელეფონო საუბარში ბრიტანეთის საგარეო უწყების ხელმძრვანელმა საუდის არაბეთის საგარეო საქმეთა მინისტრს უთხრა, რომ “მეგობრობა დამოკიდებულია ღირებულებების გაზიარებაზე”.

საქმე “პირად კონტროლზე” აიყვანა თურქეთის პრეზიდენტმა რეჯეფ თაიფ ერდოღანმა.

ფოტოზე: ჟურნალისტი ჯამალ ხაშოგი შედის სტამბოლში მდებარე საუდის არაბეთის საკონსულოში. ფოტო: თურქული მედიასაშუალება TRT World

ნეტგაზეთის მასალების სხვა გამოცემებში გადაბეჭდვის წესი


ავტორი
ლუკა პერტაია მუშაობდა ნეტგაზეთის რეპორტიორად 2016 წლის მაისიდან 2017 წლის 31 იანვრამდე. 2017-18 წლებში მუშაობდა OC Media ში რეპორტიორად. 2018 წლის 1 სექტემბრიდან ის კვლავ ნეტგაზეთის რეპორტიორია.