პარიზში მალელი მიგრანტის მიერ გადარჩენილი ბავშვის მამა პასუხისგებაში მისცეს

ბავშვის მამა, რომელიც პარიზში მალელმა მიგრანტმა მაშინ გადაარჩინა, როცა აივნის მოაჯირზე იყო ჩაბღაუჭებული, სამი თვით პასუხისგებაში მისცეს. ინფორმაციას BBC ავრცელებს.

ბრიტანული გამოცემის ინფორმაციით, კაცს, რომელსაც მშობლის პასუხისმგებლობის უგულებელყოფას ედავებიან, სპეციალური კურსებზე სიარულიც დაევალა, სადაც შეასწავლიან, როგორ უნდა გახდეს უკეთესი მშობელი.

  • მალელი მიგრანტი მამუდო გასამა შენობის მეოთხე სასრულზე შიშველი ხელებით აძვრა, რათა ოთხი წლის ბავშვი გადაერჩინა, რომელიც უყურადღებოდ იყო მიტოვებული. მისმა ქმედებამ საერთაშორისო ყურადღება მიიპყრო.
  • ამის შემდეგ გასამას საფრანგეთის მოქალაქეობა მიანიჭეს, პრეზიდენტმა მაკრონმა კი მადლობა პირადად გადაუხადა.

პროკურორთა ცნობით, მამამ, რომლის სახელიც არ ხმაურდება, პატარა ბიჭი მარტო დატოვა და საყიდლებზე წავიდა, სახლში კი “პოკემონ გოუს” თამაშის გამო დააგვიანდა.

ბავშვის დედა რეიუნიონში რჩება, საიდანაც ოჯახია წარმოშობით. ბავშვის მამის ადვოკატმა “ფიგაროს” განუცხადა, რომ მისი დაცვის ქვეშ მყოფი დაშვებულ შეცდომას აცნობიერებს.

ბავშვი მშობლებს ინციდენტიდან მეორე დღეს დაუბრუნდათ.

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.