ავტოსაგზაო შემთხვევის შედეგად სამი ადამიანი დაშავდა, მათ შორის, 4 წლის ბავშვი

წუხელ, ოკამიდან თბილისის მიმართულებით მოძრავი ავტომობილი გზიდან გადავიდა და ხეს დაეჯახა, რის შედეგადაც სამი ადამიანი დაშავდა, მათ შორის, ოთხი წლის ბავშვი. დაშავებულთა სიცოცხლეს საფრთხე არ ემუქრება.

ნეტგაზეთის ინფორმაციით, მთავარ მაგისტრალზე ავტოსაგზაო შემთხვევა დაახლოებით ღამის 01:30 საათზე მოხდა. როგორც შინაგან საქმეთა სამინისტროში განგვიცხადეს, პირველად ინფორმაციით, ნისან ფორტეს მძღოლმა საჭე ვერ დაიმორჩილა, გადავიდა გზიდან და ხეს შეეჯახა.

გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა, რამაც ჯანმრთელობის ნაკლებად მძიმე დაზიანება გამოიწვია.

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.