სარალიძე, სავარაუდოდ, შიმშილობას წყვეტს, თუმცა აქციებს აგრძელებს

ზაზა სარალიძე, რომელიც დღეს კიდევ ერთხელ გადაიყვანეს საავადმყოფოში, შიმშილობას, სავარაუდოდ, შეწყვეტს, თუმცა საპროტესტო აქციების შეწყვეტას არ აპირებს.

15 სექტემბერს ინგოროყვას კლინიკიდან გამოსვლის შემდეგ სარალიძემ ჟურნალისტებს უთხრა, რომ პარლამენტთან აქციაზე დაბრუნებას აპირებდა.

დღეს მისმა თანამოაზრემ, მალხაზ მაჩალიკაშვილმაც, კვლავ განაცხადა, რომ საპროტესტო აქციების შეწყვეტას არ აპირებს.

10 სექტემბერს ხორავას ქუჩაზე მოკლული დავით სარალიძის მამამ, ზაზა სარალიძემ, და პანკისში სპეცოპერაციის დროს მოკლული თემირლან მაჩალიკაშვილის მამამ, მალხაზ მაჩალიკაშვილმა, აქციები განაახლეს;

იმავე დღეს სარალიძემ შიმშილობა დაიწყო ხელისუფლების გადადგომის მოთხოვნით; სარალიძე და მაჩალიკაშვილი მიიჩნევენ, რომ ხელისუფლემა მკვლელებს აფარებს ხელს და დამნაშავეებს არ სჯის. საპროტესტო აქციები გრძელდება.

ნეტგაზეთის მასალების სხვა გამოცემებში გადაბეჭდვის წესი


ავტორი
ლუკა პერტაია მუშაობდა ნეტგაზეთის რეპორტიორად 2016 წლის მაისიდან 2017 წლის 31 იანვრამდე. 2017-18 წლებში მუშაობდა OC Media ში რეპორტიორად. 2018 წლის 1 სექტემბრიდან ის კვლავ ნეტგაზეთის რეპორტიორია.