დიღმის მასივში არასრულწლოვანი დაჭრეს

პოლიციამ ცხელ კვალზე დააკავა 20 წლის რ.ჩ, რომელსაც ბრალად ედება 16 წლის შ.ჯ-ს დაჭრა.

შსს-ის ცნობით, დაჭრილი არასრულწლოვანი სასწრაფო საავადმყოფოში გადაიყვანეს. მისი ჯანმრთელობის მდგომარეობა სტაბილურია.

ბრალდება ითვალისწინებს 3-დან 6 წლამდე ვადით თავისუფლების აღკვეთას.

შსს ამბობს, რომ თბილისში, დიღმის მასივში თავდამსხმელმა ფეხის არეში დაჭრა არასრულწლოვანი და შემთხვევის ადგილიდან მიიმალა. ბრალდებული მომხდარიდან 3 საათში დააკავეს.

გამოძიება ჯანმრთელობის განზრახ მძიმე დაზიანების მუხლით მიმდინარეობს.

ნეტგაზეთის მასალების სხვა გამოცემებში გადაბეჭდვის წესი


ავტორი
ლუკა პერტაია მუშაობდა ნეტგაზეთის რეპორტიორად 2016 წლის მაისიდან 2017 წლის 31 იანვრამდე. 2017-18 წლებში მუშაობდა OC Media ში რეპორტიორად. 2018 წლის 1 სექტემბრიდან ის კვლავ ნეტგაზეთის რეპორტიორია.