ბატიაშვილი: პედაგოგების საშუალო ხელფასი 1500 ლარს 2022 წელს მიაღწევს

განათლების, მეცნიერების, კულტურისა და სპორტის მინისტრის, მიხეილ ბატიაშვილის თქმით, სკოლის მასწავლებლების საშუალო ხელფასი 2022 წლისთვის 1500 ლარი იქნება, უმაღლესი საფეხურის პედაგოგების ანაზღაურება კი 2000 ლარს მიაღწევს.

მისივე თქმით, 2019-21 წლებში ხელფასები ასევე გაეზრდებათ დირექტორებსა და ადმინისტრაციულ პერსონალს.

მანამდე, პრემიერ-მინისტრი მამუკა ბახტაძე აცხადებდა, რომ სკოლის 10 000-მდე პედაგოგი, მათ შორის, სპეც. მასწავლებლები, გაზრდილ ხელფასს 2018-19 წლებში მიიღებს, 2022 წლისთვის კი ანაზღაურება გასამმაგდება.

ეს განცხადებები იყალთოს სამონასტრო კომპლექსთან, განათლების რეფორმის ხედვის პრეზენტაციისას გაკეთდა.

ნეტგაზეთის მასალების სხვა გამოცემებში გადაბეჭდვის წესი


ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან