პარლამენტის წინ აქცია 13 სექტემბერს განახლდება

პარლამენტის შენობის წინ მიმდინარე აქცია დასრულდა, თუმცა აქციის ორგანიზატორები ზაზა სარალიძე და მალხაზ მაჩალიკაშვილი რუსთაველის გამზირზე რჩებიან და ღამეს იქ გაათევენ. აქციის მონაწილეების განცხადებით, პარლამენტის შენობის წინ საპროტესტო აქცია ხვალ, 13 სექტემბერს, 7 საათზე განახლდება. აქციაზე გამოსვლისას მალხაზ მაჩალიკაშვილმა საზოგადოებას მოუწოდა, პარლამენტის წინ მიმდინარე აქციებს შეუერთდნენ.

აქცია პარლამენტთან/ფოტო: მიხეილ გვაძაბია/ნეტგაზეთი

10 სექტემბერს ხორავას ქუჩაზე მოკლული დავით სარალიძის მამამ, ზაზა სარალიძემ, და პანკისში სპეცოპერაციის დროს მოკლული თემირლან მაჩალიკაშვილის მამამ, მალხაზ მაჩალიკაშვილმა, აქციები განაახლეს. იმავე დღეს სარალიძემ შიმშილობა დაიწყო ხელისუფლების გადადგომის მოთხოვნით. სარალიძე და მაჩალიკაშვილი მიიჩნევენ, რომ ხელისუფლემა მკვლელებს აფარებს ხელს და დამნაშავეებს არ სჯის.

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.