ზუგდიდის მუნიციპალიტეტში მიტოვებული ახალშობილი იპოვეს

ზუგდიდის მუნიციპალიტეტის სოფელ კახათში მიტოვებული ახალშობილი იპოვეს. ამის შესახებ “ნეტგაზეთს” შინაგან საქმეთა სამინისტროში განუცხადეს. შემთხვევა დღეს, 10 სექტემბერს მოხდა.

უწყების ცნობით, ნაპოვნი ახალშობილი საავადმყოფოში გადაიყვანეს, მისი მდგომარეობა კი ნორმალურია. შსს ამბის სხვა დეტალებზე არ საუბრობს.

გამოძიება სისხლის სამართლის კოდექსის 127-ე მუხლით მიმდინარეობს, რაც სიცოცხლისთვის საშიშ მდგომარეობაში ჩაყენებას გულისხმობს.

ნეტგაზეთის მასალების სხვა გამოცემებში გადაბეჭდვის წესი


ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან