დღეს 30 აგვისტოს გამართულ სხდომაზე, თბილისის მერმა, კახა კალაძემ განაცხადა, რომ მერია ფუნიკულორის ფერდობზე წარწერა “თბილისის” დამონტაჟების საკითხს განსახილველად გაიტანს.

როგორც კალაძემ განმარტა, ინგლისური და ქართული წარწერის დამონტაჟების იდეა ერთ-ერთ მოქალაქეს ეკუთვნის, რომელიც მან სპეციალურ შექმნილ საიტზე – “შენი იდეა თბილისის მერს” შეიტანა.

“ჩვენი თანამოქალაქე გვთავაზობს, ფუნიკულორის ფერდობზე განთავსდეს წარწერა “თბილისი” ქართულ-ინგლისური ასოებით. ვფიქრობ, ქალაქის ყველაზე მიმზიდველ ადგილას წარწერა იქნება თვალშისაცემი და მიიქცევს ტურისტების ყურადღებას, თუმცა, ამ საკითხს ჩვენ გავიტანთ განსახილველად, რამდენადაც მთა ისტორიულ-კულტურულ ზონაში მდებარეობს და გვინდა, რომ ვიკითხოთ, ეს რამდენად შესაძებელია,” – ამბობს კალაძე.

გარეკანი ფოტო: ქართული ვიკიპედია