სოსო გოგაშვილმა სახელმწიფო უსაფრთხოების სამსახურის ხელმძღვანელის პირველი მოადგილის თანამდებობა დატოვა. ფაქტი ნეტგაზეთს სუს-ში დაუდასტურეს.
სუს-ში არ აკონკრეტებენ, როდის დატოვა გოგაშვილმა თანამდებობა, თავად მიიღო ეს გადაწყვეტილება თუ ის გაათავისუფლეს.
სუს-ის ხელმძღვანელ ვახტანგ გომელაურს ამჟამად სამი მოადგილე ჰყავს: ალექსანდრე ტაბატაძე, ალექსი ბატიაშვილი და გრიგოლ ლილუაშვილი.