ახალი ამბები

მე-2 ტურის შემთხვევაში, მარგველაშვილს ყველაზე კარგი შანსი აქვს – NDI

1 აგვისტო, 2018 • 2169
მე-2 ტურის შემთხვევაში, მარგველაშვილს ყველაზე კარგი შანსი აქვს – NDI

თუ 2018 წლის საპრეზიდენტო არჩევნების მეორე ტურში გადავლენ ქართული ოცნების კანდიდატი და მოქმედი პრეზიდენტი გიორგი მარგველაშვილი, სხვა ოპოზიციურ კანდიდატებს შორის, სწორედ მარგველაშვილს ექნება წარმატების ყველაზე მეტი შანსი. ამას აჩვენებს NDI-ის კვლევის შედეგები, რომელიც დღეს, 1 აგვისტოს გამოქვეყნდა.

ვის მისცემდით ხმას, თუ მეორე ტურში შემდეგი ორი კანდიდატი გავიდა? – ასე დაუსვა კითხვა NDI-იმ კვლევის მონაწილეებს და მათ ქართული ოცნების კანდიდატთან ერთად შესთავაზა სხვა კანდიდატებიც. პასუხები ასე განაწილდა:

  1. ქართული ოცნების კანდიდატი – 32%; ენმ-ის კანდიდატი – 20%; არცერთი/არ ვიცი/უარი პასუხზე – 48%
  2. ქართული ოცნების კანდიდატი – 32%; პატრიოტთა ალიანსის კანდიდატი – 11%; არცერთი/არ ვიცი/უარი პასუხზე – 57%
  3. ქართული ოცნების კანდიდატი – 31%; დავით ბაქრაძე – 20%; არცერთი/არ ვიცი/უარი პასუხზე – 48%
  4. ქართული ოცნების კანდიდატი – 26%; გიორგი მარგველაშვილი – 21%; არცერთი/არ ვიცი/უარი პასუხზე – 53%
  5. ქართული ოცნების კანდიდატი – 31%; შალვა ნათელაშვილი – 18%; არცერთი/არ ვიცი/უარი პასუხზე – 50%

NDI-ის კვლევის შედეგად გამოიკვეთა მთავარი ტენდენცია – ამომრჩევლების უმრავლესობა არის გადაუწყვეტელი. 74%-მა  არ იცის, ვის მისცემდა ხმას, ხვალ რომ საპრეზიდენტო არჩევნები ტარდებოდეს.

აღნიშნული კვლევა, 2018 წლის 23 ივნისი-8 ივლისის პერიოდში, საქართველოს მასშტაბით 2 409 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1.9 პროცენტი. საველე სამუშოებს CRRC საქართველო ატარებდა.

მარგველაშვილი თუ იყრის კენჭს, ოცნების კანდიდატს უფრო ნაკლები მისცემს ხმას – NDI

 

მასალების გადაბეჭდვის წესი