მარჯანიშვილის ქუჩაზე საცხოვრებელ სახლი დაიწვა

თბილისში, მარჯანიშვილის ქუჩის 29 ნომერში საცხოვრებელი სახლი დაიწვა. ხანძრის ლიკვიდირება მეხანძრეებმა დაახლოებით ერთ საათში შეძლეს.

ადგილზე 8 სახანძრო-სამაშველო ჯგუფი მუშაობს. საგანგებოს ცნობით, ცეცხლი მესამე სართულზე გაჩნდა და დაიწვა საოჯახო ნივთები – 40-50 კვ. მ.

საგანგებო სიტუაციების მართვის სამსახურის ინფორმაციით, ხანძრის შედეგად არავინ დაშავებულა.

სახანძრო-სამაშველო ჯგუფი აღმაშენებლის გამზირზე. ფოტო: გიორგი დიასამიძე/ნეტგაზეთი

ხანძარი მარჯანიშვილის 29 ნომერში. ფოტო: საგანგებო

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.