მოძრაობის “ძალა ერთობაშია” პრეზიდენტობის კანდიდატი, სავარაუდოდ, გრიგოლ ვაშაძე იქნება. ინფორმაციას ამის შესახებ ტელეკომპანია “რუსთავი 2” ავრცელებს. მოძრაობამ პრეზიდენტობის კანდიდატი ოფიციალურად უნდა წარადგინოს დღეს, 17 ივლისს, 21:00 საათზე ქუთაისში.
მოძრაობა “ძალა ერთობაშია” 10 ოპოზიციურ პარტიას აერთიანებს, მათ შორისაა: “ახალი საქართველოსთვის”, “ემსახურე საქართველოს”, “ეროვნულ-დემოკრატიული პარტია”, “სახელმწიფო ხალხისთვის”, “ქრისტიან-დემოკრატიული პარტია”, “ერთიანი ნაციონალური მოძრაობა”, “სამოქალაქო ალიანსი თავისუფლებისთვის”, “ახალი საქართველო”, “საქართველო ლიდერთა შორის” და “საქართველოს ევროპელი დემოკრატები”.