ქუთაისში, ჯორჯიაშვილის ქუჩაზე, საცხოვრებელ სახლში გაჩენილ ხანძარს 84 წლის ქალის სიცოცხლე ემსხვერპლა. მოხუცი ხანძრის დროს მარტო იმყოფებოდა.
საგანგებო სიტუაციების მართვის სამსახურის ინფორმაციით, საცხოვრებელ სახლში დაიწვა საოჯახო ნივთები – 12 კვ. მ. ფართობი.
ადგილზე იმყოფებოდა 3 სახანძრო-სამაშველო ჯგუფი. საგანგებოს ცნობით, ხანდაზმული ქალის გადარჩენა ვერ მოხერხდა.