აშშ-ის პრეზიდენტი პირველ ლედისთან ერთად დიდ ბრიტანეთში ოთხდღიანი ვიზიტის ფარგლებში იმყოფება.
ტრამპი ბრიტანეთს ხუთშაბათს, 12 ივლისს, ესტუმრა. მისი თვითმფრინავი ქვეყნის სამხრეთ-აღმოსავლეთით მდებარე ერთ-ერთ აეროპორტში დაეშვა.
პრეზიდენტი აშშ-ის პირველ ლედისთან ერთად ოქსფორდშირის საგრაფოში მდებარე ბელნჰეიმის სასახლეში, ოფიციალურ სადილზეც იმყოფებოდა, სადაც მათ ბრიტანეთის პრემიერ-მინისტრი ტერეზა მეი მასპინძლობს.
ტრამპის ვიზიტის პაალელურად ლონდონში საპროტესტო აქციები მიმდინარეობს. ტრამპის ვიზიტის გასაპროტესტებლად ლონდონში საპროტესტო აქციებია დაგეგმილი. მთავარ დემონტრაციაზე, რომელიც “ფეისბუქზე” დაიგეგმა, 60 000 ადამიანი გეგმავს დასწრებას.
ლონდონის თავზე აქტივისტებმა გიგანტური ბუშტიც, სახელად “პატარა ტრამპი”, გაუშვეს. ექვსმეტრიანი ბუშტი ბრიტანეთის პარლამენტის მიმდებარედ აშშ-ის პრეზიდენტის ქვეყანაში ვიზიტის პარალელურად დაფრინავს.
დონალდ ტრამპის გამოსახულებიან ფიგურას გაბრაზებული სახე აქვს და პამპერსი აცვია, ხელში კი მობილური ტელეფონი უჭირავს. ბუშტს 30 მეტრის სიმაღლეზე აუშვებენ და ჰაერში 2 საათის განმავლობაში იფრენს.