“დღეს კომისია იმსჯელებს დასკვნის თაობაზე. მისი ერთი ნაწილი არის ანალიზი და შესაბამისი რეკომენდაცია… რეკომენდაციის ნაწილი არის ძალიან მნიშვნელოვანი. იმისათვის, რომ მომავალში არ მოხდეს მსგავსი რამ, საჭიროა გარკვეული პოზიციის არსებობა”, – განაცხადა ტუღუშმა.
მისი თქმით, ჩანაწერების დარჩენილი ნაწილი გადაეცემა პროკურატურას და კომისია პროკურატურისაგან სწრაფ და ეფექტურ გამოძიებას მოითხოვს:
“გამოძიება თუ გასტანს დიდხანს, ეს ნიშნავს, რომ ხელს აფარებენ ვიღაცას. დანაშაულის ნიშნებს რაც შეიცავს, ის მასალა პროკურატურას იმისთვის გადაეცემა, რომ გამოიძიონ და დამნაშავეები დაისაჯონ: პირველ რიგში, ორგანიზატორები და არა მეისრეები, თუმცა მეისრეებს რაც შეეხება, ეს ადამიანებიც, ჩემი აზრით, სისტემაში არ უნდა მუშაობდნენ. არ შეიძლება არღვევდე კანონს და თან მუშაობდე ისე, თითქოს არაფერი მომხდარა”, – განაცხადა ტუღუშმა.
შეგახსენებთ, რომ 110 დისკი გასული წლის სექტემბერში განადგურდა, ახლა კი, კომისიის წევრების განმარტებით, ნადგურდება ორი დისკი.