ამის შესახებ მთავარი პროკურატურის პრესსამსახურის უფროსმა, თემურ დოლიძემ ნეტგაზეთს განუცხადა.
“ჩვენც ახლა ვნახეთ ეს ვიდეომასალა. მას აუცილებლად შეისწავლის პროკურატურა. არის თუ არა ის გაყალბებული და ა.შ.”- აცახდებს დოლიძე.
ვიდეომასალაში, რომელიც youtube-ზე appolon osman-ის სახელით გავრცელდა, ჩანს ყოფილი შსს და პრემიერ- მინისტრი ვანო მერაბიშვილი, ექსპრეზიდენტი მიხეილ სააკაშვილი და სხვა მაღალჩინოსნები.
“ორი გვამი მჭირდება, მომიტანეთ ეს ორი გვამი, პრემია იქნება დიდი,” – მიმართავს მერაბიშვილი სამხედრო ფორმაში ჩაცმულ პირებს. ვიდეოში საუბრის დროს ნახსენებია მუხროვანიც.
ვიდეომასალის ავთენტურობა დადგინილი არ არის.
