დონალდ ტრამპის განცხადებით, პუტინთან შეხვედრაზე ყირიმის ანექსიის საკითხზე ისაუბრებს

აშშ-ს პრეზიდენტი დონალდ ტრამპი რუსეთის პრეზიდენტთან ვლადიმერ პუტინთან დაგეგმილ შეხვედრაზე, ყირიმის ანექსიის საკითხზე ისაუბრებს. ტრამპი აცხადებს, რომ ყირიმის გარდა, ვლადიმერ პუტინთან შეხვედრაზე ასევე ისაუბრებს სირისა და აშშ-ს არჩევნებში რუსეთის შესაძლო ჩარევის საკითხზეც. Bloomberg-ის ინფორმაციით, ტრამპი-პუტინის შეხვედრა 16 ივლის არის დაგეგმილი. შეხვედრა ფინეთში, ჰელსინკში უნდა გაიმართოს.

“ვლადიმერ პუტინთან ყველა საკითხზე ვისაუბრებ”-უთხრა აშშ-ს პრეზიდენტმა ჟურნალისტებს.

Bloomberg წერს, რომ კვებეკში თვის დასაწყისში გამართულ დიდი შვიდიანის სამიტზე დონალდ ტრამპმა განაცხადა, რომ რუსეთმა ყირიმში დიდი ინვესტიცია განახორციელა. “რუსეთი ყირიმში მშენებლობებზე ბევრ ფულს ხარჯავს,”-განაცხადა ტრამპმა.

აშშს-ს პრეზიდენტმა ასევე თქვა, რომ ე.წ დიდ რვიანს რუსეთი კვლავ უნდა შეუერთდეს.  დიდი რვიანი რუსეთს ყირიმის ანექსიის გამო დაატოვებინეს.

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.