თბილისის მერიის ინფორმაციით, გუდიაშვილის მოედანზე სარეაბილიტაციო სამუშაოების დროს, არქეოლოგიური მასალა აღმოაჩინეს. ახოსპირელის N4-ში მდებარე სარდაფის სხვადასხვა ზომის ქვევრში დიდი, საშუალო და მცირე ზომის, მოჭიქული სამი დოქი და საშულო და მცირე ზომის ჭინჭილა აღმოჩნდა.
მერიის ცნობით, ხუთივე ჭურჭელი ერთნაირად, მომწვანოდაა მოჭიქული. გარდა ამისა, ერთ-ერთ ქვევრში სპილენძის გრძელტარიანი, ფართოპირიანი დიდი კოვზისებური ღვინის სასმისი და სპილენძის თეფში აღმოჩნდა.
თბილისის მერიაში აცხადებენ, რომ გუდიაშვილის მოედანზე სარეაბილიტაციო სამუშაოებს სამშენებლო კომპანიები – „ინსი“ და „ანაგი“ ახორციელებენ. მერიის ინფორმაციით, მიმდინარე სამუშაოების დროს კომპანიებს ზედამხედველობას კულტურული მემკვიდრეობის დაცვის ეროვნული სააგენტოს უწევს.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
