ახალი ამბები

პრემიერის გადადგომა არ მომითხოვია – მან არაფერი იცოდა ჩემი შვილის საქმეზე – სარალიძე

13 ივნისი, 2018 • 2415
პრემიერის გადადგომა არ მომითხოვია – მან არაფერი იცოდა ჩემი შვილის საქმეზე – სარალიძე

როდესაც კვირიკაშვილს პირადად შევხვდი, დავრწმუნდი, რომ ამ კაცმა ჩემი შვილის საქმესთან დაკავშირებით საერთოდ არაფერი იცოდა, – ამის შესახებ ცოტა ხნის წინ ზაზა სარალიძემ განაცხადა და აღნიშნა, რომ პრემიერის გადადგომას არ ითხოვდა.

“მე მაქვს კონკრეტული პრეტენზიები იმ ადამიანებთან, ვინც იცის ამ საქმეზე ყველაფერი და არაფერს აკეთებენ – ისინი მფარველად მოგვევლინებიან, თუნდაც წულუკიანი შოთაძის მფარველად. შოთაძე გადადგა და არანაირი პასუხისმგებლობა… პირიქით, ტაში დაუკრა.

რაც შეეხება გახარიას, მისი უწყების დარღვევები ვნახეთ, რაც იყო – გუშინაც 2 ადამიანი გაიტაცეს. პრემიერ-მინისტრის გადადგომა მე არ მომითხოვია და არც მოვითხოვდი არასდროს. თუ შემეხებოდა ამ საქმიდან გამომდინარე პირადად მე, რა თქმა უნდა, მოვითხოვდი. ამ შემთხვევაში გახარია და წულუკიანი შემეხო,” – განუცხადა ჟურნალისტებს ზაზა სარალიძემ.

ხორავას ქუჩაზე მოკლული არასრულწლოვნის, დავით სარალიძის მამა დღეს პროკურატურაში დღეს რამდენიმე საათის განმავლობაში იმყოფებოდა გამოკითხვაზე. გიორგი კვირიკაშვილისა და მთავრობის გადადგომის შესახებ ინფორმაცია მან ჟურნალისტებისგან შეიტყო.

მასალების გადაბეჭდვის წესი