შსს-მ რუსეთის მოქალაქის ცემის ფაქტზე გამოძიება დაიწყო

გუდაურში პარაპლანისტებს შორის ფიზიკური დაპირისპირება მოხდა. ერთმანეთს ერთი მხრივ, ქართველი, მეორე მხრივ კი რუსი და უკრაინელი პარაპლანისტებისაგან შემდგარი ჯგუფები დაუპირისპირდნენ. ამის შესახებ ინფორმაცია “ნეტგაზეთს” შსს-ში დაუდასტურეს.

სოციალურ მედიაში გავრცელებულ ვიდეოში ჩანს, როგორ უპირისპირდება ფიზიკურად ადამიaნთა ჯგუფი რუს პარაპლანისტს, შემდეგ კი მის მანქანას ქვებს უშენენ.

თუმცა, დაპირისპირების მიზეზები და სხვა დეტალები ამ დრომდე დაუზუსტებელია.

მომხდარზე შსს-მ გამოძიება 126-ე და 187-ე, შესაბამისად, ძალადობისა და სხვისი ნივთის განზრახ დაზიანების მუხლებით დაიწყო. უწყების პრესსამსახურის ცნობით, სამართალდამცავებს, ჯერჯერობით, არავინ დაუკავებიათ.

ნეტგაზეთის მასალების სხვა გამოცემებში გადაბეჭდვის წესი


ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან