მეორეული ფეხსაცმელები კანცელარიასთან – რისი თქმა სურთ აქციის ორგანიზატორებს?

დღეს, 6 ივნისს, საქართველოს მთავრობის კანცელარიასთან პერფორმანსი მოეწყო. როგორც ერთიანი ნაციონალური მოძრაობის წევრმა, გიორგი რუხაიამ ნეტგაზეთს უთხრა, #ნუმომკლავ ორგანიზაციის წევრებმა კანცელარიის შენობასთან მეორეული ფეხსაცმელები დაალაგეს:

აქცია მთვრობის კანცელარიასთან 06.0618 ფოტო: გიორგი რუხაია

“ამ აქციით #ნუმომკლავ ორგანიზაციის წევრებმა შეახსენეს მთავრობას, რომ 10 რიცხვამდე უნდა დააკავონ ყველა დამნაშავე, წინააღმდეგ შემთხვევაში, როგორც საზოგადოებამ ეს ნახმარი ფეხსაცმელები გამოიცვალა, ისე გამოვიცვლით ამ მთავრობასაც” – უთხრა რუხაიამ “ნეტგაზეთს”.

აქცია მთვრობის კანცელარიასთან 06.0618 ფოტო: გიორგი რუხაია

აქცია მთვრობის კანცელარიასთან 06.0618 ფოტო: გიორგი რუხაია

ზაზა სარალიძის მხარდამჭერებმა, მათ შორის ოპოზიციური პოლიტიკური პარტიების წევრებმა, მთავრობას ხორავას ქუჩაზე მომხდარი მკვლელობის გამოსაძიებლად და დამნაშავეების დასაკავებლად ვადა 10 ივნისამდე მისცეს. წინააღმდეგ შემთხვევაში აცხადებენ, რომ ფართომასშტაბიან აქციას გამართავენ.

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.